大圍：僭建竹棚遮蔭 憂倒塌傷路人
大圍積信街與積福街交界遊人如鯽，惟陳先生指有人在行人路僭建竹棚作遮蔭，影響途人過路，更擔心遇上大風雨的日子，竹棚倒塌威脅行人安全，「我見佢個棚搭咗好耐o架喇，點知佢夠唔夠穩陣，一陣冧咗落嚟整親人就唔好啦！」
本報轉介 屋宇署即跟進
屋宇署發言人回應，經本報轉介後已派員視察，發現上址有竹棚繫於金屬圍欄及伸延至行人路上方，並蓋上帆布。但竹棚並沒有明顯結構危險或對公眾構成迫切危險。發言人續指，由於竹棚位於政府土地上，屋宇署亦已把個案轉介相關部門跟進。
「依家就見拆走晒喇，但唔該啲部門多啲巡吓，點知啲人會唔會偷偷哋再搭過！」陳先生指屋宇署處理迅速，但該署仍有必要於區內多加巡查，以防再有違規事情危害公眾安全。