政情：廚神大賽 為「蟹民」沖喜

吳宏斌稱識食唔識煮

Dennis話，香港人快樂指數喺全球排名已經好低，最近喺全球宜居城市排名又再大跌十幾位，加上股市跌個不停，真係冇件開心事。所以基金發起首屆「開心廚神大賽」，希望大家講飲講食，人都開心啲。

Dennis自稱識食唔識煮，但佢十幾歲出來打工時，曾負責紙盒廠大約十個、八個人嘅伙食，由採購到煮餸一手包辦，煮足四年。照咁講，Dennis廚藝應該唔錯吖，佢就笑笑口話，當時只係求其煮餐家常菜啫，正所謂「三餸一湯，白飯任裝」，談不上廚藝喎！

講番開心廚神大賽，比賽分為專業組及家庭組，參賽對象以取得「開心工作間」標誌嘅開心企業員工及管理層為主，亦歡迎員工家屬參與。九月將陸續進行初賽，決賽則於年底喺維園舉行嘅工展會期間舉行。