警方近日高調拘捕多名手機應用程式Uber旗下嘅司機，引起社會爭議。生意受影響嘅的士司機當然大力支持，認為可以保障乘客利益同安全。但唔少不滿現有的士服務嘅市民及網民就質疑有關做法，力撐Uber同有關司機並無犯法，或者炮轟現行法例過時。律政司司長袁國強尋日被問及有關問題時，就話要待警方提供進一步資料及證據後，律政司先會決定是否檢控有關被捕人士，現階段未有決定。執法機關同律政司調查貪曾案，搞足三年都未將曾蔭權落鑊，唔知今次又要搞幾耐呢？
