立花繪海莉 胸戰篠崎愛

精靈健美

歷來日本水着界都有好多巨乳女優，當中唔少充滿矛盾，佢哋身材火辣豐滿，但係個樣就稚氣未消，令人意想不到！縱觀近十多年來，出名嘅童顏巨乳掌門人有酒井若菜，之後就由家陣人氣火紅嘅篠崎愛接棒發光發熱，未來愛妹亦有一位相當具實力嘅接班人，名叫立花繪海莉！繪海莉今年只係19歲，面上散發嘅青春氣息卻係比實際年齡更年輕，甜美又天真無邪嘅笑容顯得親切討好，令人感到精神為之一振。阿妹使男人精神煥發、精力湧現嘅地方仲有一副激凸身材！繪海莉個子唔高，同篠崎愛高度相若，兩者嘅上圍同屬G-Cup，豐滿白滑又彈手，不過繪海莉身上其他地方就比愛妹更健美更纖巧。

重新出發

立花繪海莉身材之所以咁弗，全因運動充足，據阿妹聲稱，樣樣運動都難佢唔倒，最拿手就係短跑同排球，讀初中嘅時候更以7.2秒跑畢50米創出校內紀錄。繪海莉喺2011年做模特兒，2012年推出首隻寫真DVD《SWEET CANVAS》，後來更同其他水着妹組成年輕偶像組合「PopLip」。由於佢甜美又好波，活躍於寫真界初期被稱為第二位篠崎愛，而佢亦曾表示第一日拍寫真就以愛妹為挑戰目標。繪海莉的確有潛質挑戰前輩，而事業發展亦相當配合，因為阿妹曾經多次參加雜誌嘅選美活動，亦擔任過棒球賽開球禮嘉賓，證明有人氣亦受傳媒歡迎，之不過今年4月繪海莉就同事務所嘅合約出現問題，一度暫停活動。幸好終於同事務所傾掂，最近就擔任第37屆國際旗魚大會嘅宣傳大使，曝光率總算漸漸回復。

個人微博

最近立花繪海莉重返工作崗位，大家可以從其微博上載嘅照片，見到阿妹佢嘅工作好多時都需要泳裝上陣，身邊其他女仔亦然。

網址：https://twitter.com/_emiritachibana

立花繪海莉Profile

年齡：19歲

身高：5呎2吋

三圍：36G-24-35

撰文：賢