政情：信錯王維基 學民無「紙」用

香港電視網絡主席王維基連累位於荔枝角嘅學民思潮總部無廁紙用？身在意大利嘅學民思潮召集人黃之鋒於社交網站發貼自爆，有學民同學仔向佢透露學民總部無廁紙用，原因係王維基旗下網上購物平台延遲送貨，該名學民同學仔更幻想會否因而由王維基親自送貨。另一方面，黃之鋒把網購平台延遲送貨嘅通知截圖上載作為佐證，間接印證黃即使自己身在外地，關於學民嘅事無大小都要「過問」，相反一批網民反應不一，有網民留言暗批學民中人無常識，直指廁紙一定要早買早訂，唔知今次學民點解決無廁紙危機呢？