公民講場：譚志源抖暑 政制局真空

多名政策局官員輪流放暑假，今期輪到政制及內地事務局局長譚志源（Raymond）。根據政府新聞公報，Raymond由尋日開始放假，直至本月底先恢復上班，即係足足放大半個月悠長假期，認真疏乎。適逢原政制及內地事務局副局長劉江華升任為民政事務局局長，副局長一職至今仍然懸空，無咗副局長署住局長職務，只得番資深公務員處理當局嘅日常事務，政制局可以講係處於真空狀態。不過唔緊要啦，政改方案已被否決，睇怕工作量多極有限喇。