拐童索百萬電騙錄音曝光

電話騙案實錄長約五分鐘，險被騙的媽媽洋名Eva，當時正在辦公室工作，期間突然接獲一個奇怪來電，於是記錄下來。一名陌生男子聲稱已拐帶她的小朋友，由於女兒外出參與活動，Eva聞言大驚，追問：「你係邊個？畀我聽吓小朋友把聲……佢叫咩名？」惟對方不斷向事主嚇唬催逼，更夾雜大量粗口斥喝：「畀你個仔聽？一百萬攞到出嚟未呀？」Eva感到有懷疑，對方隨即又稱：「唔係你個仔咪收線囉！自己個仔把聲都聽唔出呀？」

粗口男中途收線，Eva被嚇得六神無主，不斷提醒自己冷靜，身旁同事建議她致電聯絡女兒，未幾，電話再次響起，傳來一名小孩哭道：「媽咪，佢哋唔畀我講呀，佢哋打我呀！」Eva追問其名字，小孩哭說：「佢哋唔畀我講！」及後才說：「我叫俊俊呀！」Eva再追問：「你男仔定女仔？」粗口男即搶回電話稱：「佢話佢叫阿俊喎，係唔係呀？」又稱：「咁如果唔係男仔嘅話，剪佢落嚟囉好唔好呀？」

苦主嚇到手震 家長稱恐怖

期間對方不斷爆粗，Eva確定非女兒後表示：「你係邊個呀？我報警o架！」對方拋下一句：「你咪報囉！」後掛線。Eva收線後「手都震埋」，因女兒手機無人接聽，欲通知朋友幫忙時連撳電話都不能，要由同事代勞，並透過電話向丈夫講述事件。本報記者昨多次致電Eva，但她未有接聽。該段錄音在網上瘋傳，引起家長關注，形容事件好恐怖。

另有醒目媽 冷靜踢爆騙局

另外，亦有一名媽媽在fb發文，指在公司收到一個詐騙電話，話筒另一邊有小朋友哭道：「媽咪，我畀人捉咗，你要救我。」又指自己被蒙眼，其後一名自稱「奇哥」的男子接過電話，聲稱已綁架其女兒，要求匯款八十萬元到指定戶口。由於小孩的聲音與其女兒相似，險令她信以為真，幸她暗中用手機成功與女兒聯絡，終踢爆對方。