政情：公民講場：陳家強心諗 忙就唔使炒

原民政事務局局長曾德成及原公務員事務局局長鄧國威「被換人」震撼政界，有傳原本建議撤換嘅官員唔止兩個，令唔少官員均暗中擔心自己會否飯碗不保，財經事務及庫務局局長陳家強尋日早上離開香港外訪前，被問到擔唔擔心將來可能被換走，佢話無論係佢本人，還是其部門內同事，手頭上都有好多工作，而且本身嘅政策範圍也有好多嘢做，未來幾日會喺澳洲推廣香港作為金融中心同人民幣嘅機遇。其實早前已經有風聲指喺國際財金形勢風高浪急下，政府財金官員嘅組合打算不變應萬變，所以陳家強似乎未必需要太過擔心嘞！