酒精能夠影響判斷能力，揸車切忌飲酒乃係全世界嘅共識，即使唔係揸車，打牌亦唔好打醉章，因為分分鐘輸到開巷。之不過，打機就可以醉住打，索女齊藤夢愛就鍾意一邊打機一邊飲酒，佢話咁樣先至夠High喎。
自從韓劇《來自星星的你》播出，大家除咗對外星人嘅印象改觀，仲對韓國嘅美食炸雞認識增加。老實講，炸雞小弟都食唔少，但係配上又甜又辣嘅韓式風味汁料又確係滋味無窮，愈食愈想食，情況就同欣賞日本水着女優齊藤夢愛咁。今年27歲嘅夢愛人如其名，好似夢中情人咁得到大家嘅喜愛。佢生得甜美可人，清純可愛同時卻帶有一種姣味，但係又未濃到令人覺得佢係小淫娃，只令大家認為佢容易接近同相處，一坐低就有講之不盡嘅話題。夢愛擁有呢種獨特嘅感覺，仲有一副辣度十足嘅嬌美胴體。夢愛嘅身材上中下三路應大則大，應細則細，曲線玲瓏，渾然天成嘅優美線條認真誘人。
夢愛17歲嘅時候憑住演出東北電力嘅電視廣告而受人注目，2005年參加周刊《少年Jump》嘅制服選美比賽得到冠軍，繼而開始其水着女優之路。由於外形甜美討好，亦獲得電視台邀請，出席綜藝節目嘉賓嘅次數固然唔少，拍電視劇嘅機會同樣相當多，作品包括《偵探校園Q》、《LOVE理論》等，另一方面阿妹同時涉足舞台界，演出過唔少舞台劇。近期夢愛就轉攻網絡視頻，由於佢鍾意打機，網絡遊戲PSO2就特別請阿妹擔任宣傳大使，定期喺網絡頻道直播阿妹打機嘅實況。雖然夢愛打機技術一般，但係每次直播都玩得興奮同投入，受歡迎程度相當唔錯，然而點解阿妹打機打到鬼殺咁嘈，仲成日手舞足蹈呢？原因係外表斯文嘅佢好鍾意飲酒，不時一邊打機一邊開懷暢飲，好多時打機嘅時候都醉醉哋，精神梗係亢奮無比啦。
喺齊藤夢愛嘅博客成日都可以見到佢同班姊妹吃喝玩樂，真係見到就開心，睇完之後好想同阿妹一樣咁享受人生。
網址：http://ameblo.jp/yuatan-saito/
年齡：27歲
身高：5呎2吋
三圍：32D-23-33
撰文：賢