信心仍處悲觀水平
EQ所屬嘅政黨公布涉及消費信心指數嘅調查，結果顯示喺近六百八十名受訪者中，市民對代表經濟前景信心嘅「消費者預期指數」，由去年底嘅七十點三上升至七十六；而綜合對過往、現在及未來看法嘅「綜合消費者情緒指數」及反映現狀嘅「目前狀況指數」同時錄得升幅，分別上升至七十五點四及七十四點五。
不過指數上升又唔代表一切，據EQ分析，指數未超越分隔悲觀同樂觀水平嘅一百點水平，係因為創科局遭泛民無理阻撓至今仍未落實所致，但同時，佢坦承調查係冇問到受訪者對成立創科局嘅態度，只係估計科技帶動經濟喺大勢所趨，順理成章會影響市民消費信心。究竟EQ講嘅理據幾有說服力，留待大家自行判斷嘞！