現年五十八歲嘅劉江華出任政制及內地事務局副局長短短三年，忽然調任民政事務局局長，仕途如坐「白金升降機」，話唔定未來有望再上一層樓，甚至於下屆政府出任政務司司長一職。劉江華於政界打滾逾卅年，高峰期曾任行政會議、立法會及區議會「三料議員」，雖然喺二○一二年立法會選舉落敗，之後轉換跑道走入官場亦不被睇好，但佢都默默地密密做，即使期間被人當係垃圾桶，但佢都沉得住氣，終於百忍成金，守得雲開，所以仕途曾經坎坷都唔使氣餒呀！
