Edwin話，近十個月來，新民黨領導層同佢完全冇溝通，雙方停留喺「空氣中對話」。直至個幾星期前，佢收到新民黨嘅回覆，雙方關係終於正式斬纜。
講講吓，Edwin又忍唔住串新民黨，事關上個月佢收到該黨信件，要求佢唔好再做地區工作，理由係太多人喺地區做嘢會令人混淆喎！不過Edwin十幾年嚟一直喺荃灣服務居民，仲做過仁濟醫院董事局主席，又點會因為黨內紛爭而退縮呢？
積極考慮參選新界西
恢復「自由身」之後，Edwin話會「努力做人」，積極將地區工作再做好啲。至於明年嘅立法會選舉，佢形容新界西係主戰場，會積極考慮參選咁話。