夏美 好高騖遠夏美 好高騖遠

師傅成日教我做人做事都要識得計劃未來,之但係活在當下亦好重要,千祈唔好好高騖遠,對未來抱有不切實際嘅幻想。其實,有時幻想一下都幾浪漫幾過癮,好似日本水着妹夏美咁成日都望到好高好遠,因為佢係一個狂熱嘅UFO迷,希望有朝一日可以發現到UFO嘅蹤影喎。

絕佳比例

要成為品牌代言人須經過千挑萬選,睇吓你是否合乎資格,好似做美白產品代言人,除咗要靚女仲要肌膚夠白夠滑,如果唔係點樣予消費者足夠信心呢?如果要做泳裝代言人,咁就毫無疑問需要擁有一副三圍比例絕佳嘅極品身材啦,而美少女夏美就啱喇。今年25歲嘅夏美夠青春又夠童真,一副美人胚子仲相當可愛,燦爛得猶如夏日陽光嘅笑容亦相當迷人,睇落非常有明星相。除咗面孔,佢嘅身材亦同佢個名一樣令人聯想起夏日喎。夏美身材高挑纖巧,配合32-23-34嘅三圍,比例接近完美,夠晒誘人。

追蹤UFO

夏美原來嘅藝名叫做齋藤夏美,喺2011年參加一個模特兒比賽獲得冠軍,繼而成為時裝雜誌《JJ》嘅專屬模特兒。由於佢身材夠晒苗條,又熱愛玩衝浪擁有一身健康膚色,2013年獲日本知名水着品牌三愛水着挑選為品牌代言人,自此改名為夏美。獲選後,夏美表示相當高興,因為一向都鍾意着泳裝,此後可以喺品牌嘅宣傳海報見到自己就感到開心不已,但係咁樣並未滿足,事關佢其實係個好高騖遠之人。夏美有兩個偶像,一個係荷里活影星謝茜嘉艾芭,阿妹話希望日後可以好似佢咁好身材喎;另一個偶像就係安室奈美惠,話好想同對方喺台上合作。此外,夏美出街成日都擔高個頭望向遠處,唔係搵老公,而係搵UFO,夏美自爆係一個UFO愛好者,發現UFO係其畢生夢想。

個人博客

於夏美嘅博客除咗可以睇到佢日常生活狀況,仲可以睇到佢公餘時進行水上活動嘅歡樂時光,大家上去睇吓都會受到夏美嘅青春活力以及陽光氣息感染。

網址: http://ameblo.jp/natsumi-saito/

夏美小檔案

年齡:25歲

身高:5呎7吋

三圍:32-23-34

撰文:賢