政情：八網難逃：神秘單張 翻郭永健舊帳
大埔區議會新富選區於即將嚟緊周日（19日）舉行補選，近日有大埔居民喺網上討論區貼圖，指收到關於候選人之一、工黨郭永健嘅「疑似」選舉單張，單張上寫嘅唔係郭永健嘅政績，而係翻郭永健舊帳，指控郭過去曾經參與佔中、指收取政治捐款被調查等。
指郭曾佔中 收款被查
郭永健就話，已就捐款事件清晰解釋，亦對曾參與佔中一事直認不諱，雖然被抹黑但仍會繼續做好選舉工作。工黨發表聲明指已向廉政公署及選舉事務處舉報，並將涉案函件交予廉署，要求廉署嚴肅調查今次違法行為，並盡快將違法者繩之以法。大埔區議會新富選區前議員、經民聯羅舜泉早前涉偽造收款單據被判監五個月，即時喪失議席，令該區需要補選。除咗郭永健，另外兩名候選人為報稱獨立嘅羅曉楓及何萬傑。