旺角：花店貨佔馬路危及司機

「啲車違泊就見得多，估唔到連裝花盆嘅手推車都泊晒喺線度！」陳先生早前駕車經過旺角花墟近洗衣街，發現上址一帶有避車處及馬路被商店貨物佔用，危害駕駛人士安全，「個避車處係用嚟畀啲車上、落客用，唔係畀啲花店用嚟擺貨，真係離晒大譜！」

警方發言人說，過去一年曾接獲十四宗阻街報告，期間共發出一百二十一張傳票控告違例店舖，強調警區經常與其他執法部門派員巡視花墟道及洗衣街等地點，並採取多機構合作模式去處理或協助其他部門執法，倘發現任何對交通或其他道路使用者構成嚴重影響的行為，部門會即時介入。

陳先生對警方回覆表示滿意，冀警方切實履行承諾，加強巡查及檢控，「都知道警察有做嘢，當然如果可以再巡多幾次，對司機就一定更加安全！」