每逢過時過節，總會聽到一啲單身男女話要出埠避節，皆因望住人人都成雙成對，反觀自己卻一個人，感覺既孤單又難受。其實單身又有乜嘢好怕呢？最緊要就係活得精彩，好似今次帶嚟各種「單」及「Single」有關嘅情色詞語，就為大家展示形單影隻嘅樂趣！
「Swinging Single」係指某類單身男女，佢哋不但享受單身生活，亦由於冇感情上嘅負擔，故此更會主動追尋放縱性愛嘅樂趣，換句話嚟講，即係指性愛不羈一族。呢種男女會把握任何機會，令性生活變得精彩同豐富，只係可能有人會問，乜呢個世界有咁多畀佢哋搵床伴嘅機會咩？30歲嘅英男Chris Reynolds Gordon便專門提供呢種機會。話說呢位原本擁有過百萬英鎊身家嘅金融大亨，後嚟破產兼患有抑鬱症。正當佢處於事業谷底之際，發現搞性愛派對原來有得諗，於是碌盡人情卡大搞，結果派對不但吸引眾多男女參加，成功翻身之餘，生意更拓展到紐約、巴黎同西班牙。
大家知唔知喺美國四仔中，有邊套被封為自娛之霸呢？佢就係呢套由美國著名四仔片商Third Degree，喺2007年推出嘅自娛大片《All Alone - Single Girl Masturbation》。喺呢套長達3小時嘅四仔中，不但搵嚟Daisy Marie、Penny Flame、Victoria Sweet、Alektra Blue等脫星坐鎮，更喺2008年AVN頒獎禮中獲得最佳單體性愛場面嘅提名。佢嘅劇情真係簡單到爆，個個都因為獨守空房加上慾火焚身於是喺度自娛。可能有人會問，片中有咁多脫星演出，點解仲會得到呢個提名呢？咁係因為每幕自娛場面，都係得一個脫星出鏡嘅緣故囉！
喺AV界中，單體企劃又稱為個人企劃，係一種女優嘅發展及工作模式。以呢種方法喺AV界工作嘅女優，佢哋通常因外形出眾兼有相當人氣關係，便以獨立身份發展，例如人氣女優朝河蘭、長瀨愛、紅音螢等。不過喺芸芸單體女優之中，講到單體AV作品數之冠嘅話，則要數喺2006年出道，現年27歲嘅人氣女優花蕾。雖然佢曾於2008年3月底至同年5月中曾因健康問題而短暫引退，但自佢出道至今年4月30日為止，AV作品不但多達1,869套，而當中423套屬單體作品，呢個數字不但冠絕現今AV女優，更說明佢超班嘅實力，因此單體之后之名絕對當之無愧！
咪以為「Single Dingles」解做一個人搖鈴鈴，查實喺美國俚語中，Dingles可解作男士兩粒波子，故此呢個詞語嘅真正意思係男士自娛咁解。講真，如果有得揀，邊個男人情願搖鈴鈴而唔搵囡囡曳曳呢？就好似擁有「自娛之王」美譽嘅日本男子佐藤雅信咁，雖然佢喺2009年「世界自娛馬拉松大賽」中得到冠軍，兼創下至今無人能破嘅長達9小時58分自娛兼唔爆發嘅世界紀錄，但佢之可以成就咁嘅創舉，原來係因為佢個索女友唔鍾意曳曳，喺經常自我解決之下，慢慢練出如此耐力。不過大家咪以為佢變態，憑住呢番另類造詣，今時今日佢已貴為日本著名情趣用品商Tenga嘅商品開發董事。
撰文：魂