近年嘅本港教育政策被批評「朝令夕改」，原本明年到期檢討嘅中學語言政策，因為有三分一英文中學未能達標，而要喺明年「落車」開番中文班。點知教育局局長吳克儉（吳得掂）竟然決定押後檢討該準則六年，亦即未達標英中毋須落車，原因係學校需要有穩定語言政策以安排教與學，仲話希望外界勿將事件政治化喎。查實呢個決定只係為英中留住顏面，滿足怪獸家長對英文嘅盲目崇拜，但就置學生能否以適當語言學習知識於不顧。吳得掂咁做都係鴕鳥心態作祟，唔敢承認香港學生嘅英文水平每下愈況嘅事實啫！
