深水埗：樹根外露房署治標不治本
危樹處處，人心惶惶！家住深水埗富昌邨的梁先生指，邨內樹木問題多多，去年夏季亦曾有樹木被大風吹致連根拔起，「商場呢邊好多老人家出入，但係樹根搞到地下啲磚凸起晒；平台啲樹又成日跌枝葉落嚟，好易整傷人。」
「將凸起嘅地磚揼番落去」
房署發言人表示，接獲投訴後已跟進並移走凸出地磚並填回泥土，令有關位置回復平整。發言人又稱，富昌邨種植的樹木主要是日本葵、垂葉榕及洋紫荊等，職員日常會視察邨內樹木生長情況，如發現枝葉過長會安排修剪及轉介樹木組跟進。
深水埗區議會房屋事務委員會增選委員李炯質疑署方管理樹木不善，「一有事佢哋就直接將凸起嘅地磚揼番落去，完全都唔理根部有冇問題，唔係就斬咗啲樹佢，遲遲都唔種番。」李要求房署加強邨內樹木保養工作，勿因護養費用高昂而對樹木「愛理不理」。