模影模蹤:彩川雛乃棄胸賣聲

所謂人各有志,每個人心目中嘅理想都唔同,好難搵出一個劃一標準,亦好難評論其他人嘅理想到底係咪值得。之不過,日本水着妹彩川雛乃嘅理想我就好唔贊成,事關佢話想轉行做聲優,到時阿妹呢副咁勁嘅身材就冇得睇囉!唔反對就假啦!

巨乳纖腰

日本AV界有唔少女優嘅血統並不純正,但又正因為佢哋係混血兒,生得特別索及好身材,故令AV迷印象深刻,好似小澤瑪利亞以及Rio就係好例子。至於水着界亦有不少混血兒,小弟最鍾意嘅小林惠美就擁有俄國血統,無獨有偶,今日為大家介紹嘅彩川雛乃亦一樣。今年19歲嘅雛乃青春貌美,一見到佢活潑又清新嘅面孔就倍覺醒神,通體舒暢喇!據聞阿妹擁有四分一俄羅斯血統,到底佢邊位先祖係俄國人就未有透露。點都好,阿妹副偈生得鬼咁索,皮白肉嫩,胸前嘅34E美巨乳飽滿彈力足,如果同一般俄羅斯女仔生得咁高一定更加誘惑,但係只得5呎1吋高嘅雛乃仍覺可愛,吸引力絕對唔輸蝕。

以聲誘人

彩川雛乃喺2011年被藝能事務所發掘,當時阿妹已發育得相當良好,但事務所就睇中其青春魅力以及活潑個性,希望將佢培育成為美少女偶像,故並未涉足寫真界。雛乃首先獲安排成為美少女團體DokiDoki夢校園成員,但係發展就唔係咁理想,即使屢獲邀請去到綜藝節目如《真夜中的笨蛋騷動》等做嘉賓,人氣仍未能火速攀升,直至拍攝水着寫真,將其豐滿鮮嫩嘅胴體公開,人氣至漸漸增強。現時雛乃成為樂壇組合Linkstar's其中一位成員,她能歌善舞,甜美嬌嗲嘅聲線令樂迷相當受落。現時喺樂壇同寫真界雙線發展嘅雛乃話平時鍾意睇卡通片,仲鍾意跟住片中角色講對白,久而久之對於聲線運用相當唔錯,雛乃仲話對配音好有信心,希望搵機會投身聲優界發展,到時可能唔會再拍寫真喎!千祈唔好呀!阿妹你副偈咁正,唔拍寫真認真係暴殄天物呀!

個人博客

彩川雛乃近期經常同組合成員四圍登台,不時會將登台花絮喺博客發表,想知道雛乃同其他美少女成員喺台前幕後做過乜,不妨Click上去睇睇喇。

網址:http://ameblo.jp/ayakawa-hinano/

彩川雛乃Profile

年齡:19歲

身高:5呎1吋

三圍:34E-23-34

撰文:賢