港府去年底喺內地進口活雞樣本中發現H7禽流感病毒後，一度暫停內地活雞供港，批發及零售界立法會議員方剛尋日就活雞供港事宜喺立法會提出質詢。同立法會議員「盲毛」毛孟靜組成「香港本土」嘅立法會議員范國威唔知係咪搞本土搞到上晒腦，佢話既然內地雞嘅飼養環境欠保障，當局係咪應該考慮推行「港人港雞」，唔好扼殺本地雞農謀生機會喎。不過誠如食物及衞生局局長高永文話，內地仍有H7N9感染個案，只要養家禽就有風險。唔通范國威為咗搞本土，寧願置本港爆發禽流感風險於不顧？
