中環出更：密會肥佬黎李漢奸愁爆走人
壹傳媒集團前主席黎智英（肥佬黎）於政改方案表決前後，至少兩次同外號「李漢奸」嘅民主黨創黨主席李柱銘密會，包括尋日一次密會除咗佢哋兩人，仲有外號「AV仁」嘅民主黨前主席何俊仁、於「民主阿婆」前政務司司長陳方安生旗下嘅「香港2020」做研究總監嘅李永達，十分耐人尋味。
AV仁李永達都有份
肥佬黎在上周四政改表決前一日，於何文田寓所密會李漢奸及天主教香港教區前主教陳日君等人，肥佬黎尋日又再喺寓所搞神秘聚會。現場所見，李漢奸等三人來去都神神秘秘，首先三人於晚上約七時一同乘坐拉密窗簾嘅私家車抵達肥佬黎寓所，事隔約兩個半小時，即晚上九時三十分，李漢奸等三人再乘車離開。其中李漢奸坐喺司機位置嘅後面，未知為何一臉愁爆，AV仁則獨自坐喺私家車嘅後排座位。適逢有泛民議員日前退黨兼辭去立法會議員，遲啲會有補選，唔知佢哋係咪又想密謀攪局？
卓妮