政改都要講科學精神？港大微生物學系講座教授袁國勇尋日上電台節目期間忽然講到政改。佢話科研最着重科學精神，講求真理，喺政治上同樣可以應用。佢話，例如政改問題上，應認同政改方案係「半普選」，不能講成終極方案或真普選一樣，同時討論時亦要承認中央對《基本法》嘅最終解釋權，否則難以進一步討論。泛民主派一直爭取真普選，而政府就話普選無真假之分，睇嚟袁國勇真係要開班教吓佢哋咩係科學精神嘞！
