AV達人:溫泉當片場 AV廠累街坊

去日本除咗品嘗美食,最正就係浸溫泉。不過,最近有日本AV廠唔生性,搞到塩原溫泉「不動之湯」無限期關閉,究竟係邊間AV廠累街坊呢?又有邊幾套AV作品以不動之湯當係片場呢?依家即刻話你知!

變野戰性地

最近有個朱古力廣告抽盡藝人及政界名人水,將佢哋嘅經典犯錯金句變成「肚餓語錄」做宣傳。抽人水十分好玩,之不過喺日本一個溫泉畀人抽乾晒水就令人好傷心喇。邊個溫泉咁淒涼?咪就係位於栃木縣那須塩原市嘅不動之湯囉!家陣個溫泉真係泉如其名,想郁都冇得郁喇!點解會咁呢?不動之湯係一個男女共浴嘅露天溫泉,環境清幽,水質又靚,深受當地市民歡迎。該溫泉由一個自治會管理,由於日本人一向自律,唔使派人看管及負責收費,大家要使用,會自動擺低200日圓費用。不過,一年前開始,自治會就發現經常有男男女女走嚟搞搞震,將溫泉當係野戰「性」地,亦有人專程嚟偷拍女士出浴,甚至有AV廠趁四野無人嚟拍AV添!

放水關閉

究竟邊間AV廠咁無天裝無地載,居然用呢個優美嘅消閒勝地不動之湯當係AV片場呢?根據消息人士表示,呢間AV廠叫櫻花企劃,係一間三流AV廠,專門拍攝《露出調教》系列,搵女優去到各個公眾地方露體,然後同男優激戰,不動之湯就正係櫻花企劃其中一個經常使用嘅「片場」!據聞由於櫻花企劃肆無忌憚喺不動之湯拍AV,至令自治會迫於無奈宣告溫泉無限期關閉,更加將溫泉水放到一乾二淨,搞到市民少咗一個溫泉勝地,真係唔抵!

早有前科

呢件事之後,有AV迷表示櫻花企劃嘅行為只係近因,事實上喺4、5年前已經有AV廠去到該處進行AV拍攝,例如SOD去拍過《溫泉顯示器體驗》,而Glory Quest出品嘅《地方温泉露出紀行•露天混浴温泉鄉2》同樣以不動之湯作場景,由於溫泉已經關閉,大家又不妨重睇呢兩部AV,回味一下不動之湯嘅美景。

撰文:賢