屢呻人手緊張 前線竟如斯「休閒」
【本報訊】立法會議員鄧家彪對今次郵政「集體蛇王」事件感驚訝。他指出，香港郵政近年不但加價，更持續縮減前線及門市服務，令市民大為不滿。他批評郵政，「雖然佢哋一方面辯稱人手緊張令營運壓力大增，但佢哋嘅前線同事又咁『休閒』，市民都唔會相信。」他希望香港郵政盡快改善管理及營運，並應盡快調查員工是否集體蛇王，相信今次事件已令市民再一次對香港郵政失去信心。
公僕工會稱要注意形象
公務員工會聯合會總幹事梁籌庭認為，公務員要注意自己的形象，「如果咁長時間聚集喺同一地方，會畀市民有錯誤嘅觀感。」又指「我哋聽到都覺得唔好。」梁指出，涉事郵差身上所穿的是香港郵政的制服，「佢哋（應該）檢點啲，唔可以做出一啲（蛇王）舉動。」
梁補充，不同的政府部門會有自己訂下的「Tea Time」（下午茶時間），目的是讓員工可以在繁忙的工作時間，稍稍放鬆及「充一充電」，從而增加工作效率，但一般只會維持十數分鐘，不會太長，尤其是一些需外勤、擔任日曬雨淋較辛勞崗位的同事，部門首長會體恤允許他們在外進行「Tea Time」，他說：「但你Break（休息）都唔好聚埋一齊吖。」