一直睇淡政改方案通過嘅全國港澳研究會副會長劉兆佳，唔知係咪經過連日評論及分析，已經講到無乜嘢好講，不自覺化身成「金句王」。佳叔尋日喺電台節目中話，無論係贊成、抑或係反對政改方案，兩派都不會得到壓倒性支持；又話政改表決後，中央同泛民主派關係會惡化，仲預計到時唔會有大型佔領行動，但有激烈行動添。聽落真係「阿媽係女人」，講咗等於冇講，睇嚟立法會議員鍾樹根所屬嘅「金句王」行列又多位成員嘞。
