綠色先鋒：無專業裝備 肯國跑手照贏港人
「人哋咩都無，但係有實力。」曾到肯尼亞探訪的Clara笑指，港人一身專業跑步裝備，卻給衣着簡單的肯尼亞跑手比下去，「我哋同佢哋練跑，Henry笑我哋係jogging（散步）。佢哋求其一個人都跑得快過練開跑嘅香港人。」
珍惜跑鞋 比賽始穿着
在肯尼亞，當地人跑步的理由只有一個——脫貧。Clara指，幾乎大部分的肯尼亞人都會練跑，希望加入國家隊，參加各地比賽獲得獎金，改善生活，「佢哋好刻苦，一日三課。最深印象係一個有仔女嘅四十幾歲媽媽，為咗脫貧努力練跑。」Clara指，當地人對港人捐出的衫褲鞋襪珍而重之，平常都不捨得穿，「見到佢哋掛晒啲鞋喺屋企，原來係想等有比賽先拎嚟着。」
今年七、八月，Clara會再「帶貨」到肯尼亞，「香港人跑步為咗開心，肯尼亞人為咗脫貧，除咗送物資，我都希望傳遞到跑步嘅快樂畀佢哋。」