新蒲崗：路牌位置過低 玩殘司機
何先生早前於晚上駕車經過新蒲崗彩虹道，於等候交通燈轉燈期間發現有路牌位置偏低，更被圍欄花草掩蓋，只能看到太子道東的英文名稱。「原本直情留意唔到個牌，如果唔係咁啱紅燈停喺度都望唔到個牌！擺得低都算啦，仲要有花遮住，真係離晒譜！」
「搵《東方》投訴快又妥」
土木工程拓展署發言人指，為進行啟德發展計劃——啟德機場北面停機坪第3A基礎設施建造工程，承建商於去年三月在新蒲崗彩虹道設置上述臨時牌。發言人指接獲轉介後，已隨即指示承建商將路牌重新設置於駕駛人士能清楚看見的位置，並加強工地巡查。
何先生最近重經上址，發現該路牌已重設於較高位置，駕駛人士亦能清楚看見路牌內容。「搵《東方》投訴果然快又妥，話幫我轉介無耐就見到整好，好過打去部門啲投訴熱線！」何另建議部門應多派職員監察轄下事務，以免同類事情再發生。