政情：鋼琴王子 社服令多體驗

尋日佢以聖保羅男女中學舊生兼活動籌辦者身份，出席首屆聖公會八大聯校校友歌詠節簡介會。

唔逼囡囡學音樂

Phoebus好開心話，終於完成咗社會服務令，期間去幼稚園做文書、油吓牆，又可以去老人院服務，體驗吓「王子」以外嘅基層生活。不過，佢略嫌個官判得重手咗，要明年先可以開車！

Phoebus出身於音樂世家，成長過程浸淫喺音樂之中，連老婆都係吹笛高手，唔知佢會唔會逼兩個女兒做鋼琴小公主呢？ 佢就話，大女細女分別得兩歲幾同三個月大，唔會逼佢哋，因為咁會有反效果，令佢地唔會真心鍾意音樂，所以必須按部就班。

下月二十號喺拔萃男書院舉行名為《一起唱》八大聯校校友歌詠節，由八間聖公會名校例如聖保羅書院、拔萃男、女書院、協恩中學等舊生歌詠團，共四百人合作。音樂會當日會唱二十五首詩歌，又有七十人嘅樂隊現場伴奏同表演，希望可以籌到二百萬元作教育用途。