過幾日就係立夏，而天氣雖然並唔算太熱，但從曆法上嚟睇則係宣告夏天來臨。對於鍾意曬太陽、晒身材嘅男女嚟講，呢個日子梗係正到爆，就算唔鍾意曬太陽，亦會享受喺海灘見到一班養眼男女嘅樂趣。有見及此，今次就同大家介紹夏季及Summer有關嘅情色詞語，率先迎夏日。
「Summer Love」固然可以解做發生喺夏日火辣又激動人心嘅愛情，只係喺情色俚語中，佢嘅意思就同浪漫嘅愛情故事扯唔上任何關係，事關佢解做純粹肉體嘅兩性關係。點解明明係動人嘅愛情故事，喺情色世界中會變咗一啲都唔浪漫呢？據講因為喺夏日中，男女往往會變得「衝動」，只要合眼緣好快就一拍即合。咪以為亂講呀！法國就有個調查發現，喺受訪嘅法國青年中，有六成三表示佢哋嘅性愛初體驗就係喺夏季發生，而理由就係到處可見性感女郎同養眼男士之餘，又因長假期可讓人朝夕相對，乾柴烈火之下就一拍即合。
我哋知道廣東話中嘅「揈」又可以寫成英文「Fling」，意思解做用力咁丟出去嘅動作，而「A Summer Fling」即係指一段喺夏日發生嘅關係，當夏季完結後，就會被狠狠地拋棄咁解。點解夏季一完結，就要放棄呢段關係呢？原來「A Summer Fling」主要發生喺美國青年男女身上，事關每當放暑假時，有啲男女因太得閒便拍散拖，暑假完結時要返回學校，故此便同對方講Bye Bye。另外，喺呢段時間嘅拖友，會被稱為「Summer Boy」或「Summer Girl」。唔知嘅話以為佢哋好有陽光氣息，查實背後嘅意思係指佢哋好快就會被飛，諗深一層都幾慘情呀！
每到炎夏，總會有個女人經常被四仔迷掛喺嘴邊，佢就係當前美國至紅嘅熟女脫星India Summer！原因係每年夏天，佢都會穿着超性感比堅尼喺邁阿密嘅海灘上曬太陽，火辣身材加上超高人氣，令呢位喺1975年4月26日出生嘅脫星成為海灘上嘅焦點。雖然呢位熟女天后早喺2005年出道，但當時30歲嘅佢魅力並唔算突出。及至2009年簽約新公司後，對方幫佢塑造出女人味超濃嘅熟女形象，終於令佢喺四仔界成名，並喺翌年嘅CAVR頒獎禮中，獲得年度最佳熟女大獎。自此以後，India嘅發展順風順水，分別喺2011年、2012年、2014年及2015年嘅AVN頒獎禮中，獲得年度最佳熟女大獎，足證佢熟女天后嘅地位無人能敵。
日本AV界有個女優，佢唔單止相貌一流，身材又玲瓏浮凸，最重要係氣質過人，就連好似南佳也咁高地位嘅男優，都指名要同佢合作，佢就係喺2005年出道，今年30歲嘅伊澤千夏。事實上，佢嘅演出亦相當出色，不論飾演純情少女定係熟透人妻，統統都難佢唔倒之餘，床上反應亦相當誘人，加上佢令人印象深刻嘅高潮反應，真係見到都流晒口水。據佢解釋，之所以可以練就出色演技，皆因自小嘅偶像就係AV天后秋菜里子，於是以佢為目標，翻看佢嘅作品並進行練習，甚至同同學討論當中情節添！優秀嘅天賦條件同努力，令佢出道後好快闖出名堂，同九鬼完約後諗住過檔到大廠S1會有好發展，卻估唔到好快就被用到殘，然後被丟到DAS接工作。雖然後嚟佢轉到SOD密謀重振聲威，但已經時不我與，喺2007年11月喺淺草Rockza表演艷舞後，慢慢淡出AV迷視線。
撰文：魂