政情:公民講場:吳得掂「落地」 問人食早餐未

政府高官連日低調落區宣傳政改,連外號「遊埠局長」嘅教育局局長吳克儉(吳得掂)尋日都終於落地四十五分鐘,到港鐵大圍站外派政改宣傳單張。不過,未知吳得掂係咪未瞓醒,抑或以為自己係區議員,同市民搭訕時淨係識問人食咗早餐未,或者問學生喺邊度返學,冇乜出力硬銷政改,唔知嘅仲以為佢係「怪叔叔」。就咁睇,吳得掂呢個推銷員似乎唔多合格,難為佢事後仲話滿意宣傳成果。