政情：潘佩璆叫阿芸讀《心經》下火

立法會近日就財政預算案上演嘅「拉布」戲碼有排都未落畫，唔少建制派議員不滿「拉布」之餘，為免流會又要被迫輪更陪坐，都咪話唔激氣。議員蔣麗芸前晚趁出席工聯會活動時，就拉住立法會勞工界前議員潘佩璆猛呻，話「拉布」搞到佢精神受創傷，要向「前輩」討教下火心得。本身係精神科專科醫生嘅潘佩璆笑言，想下火唔一定食藥嘅，拜讀佛教巨典《心經》就得喇。