上水：行人過路處欠「左右」標記
馬路如虎口，行人危機隨處可見！居於上水的黃先生指出，新發街與龍琛路交界一帶人流旺盛，惟行車路卻未有髹上「望左」及「望右」的指示，擔心途人易生危險，「嗰度附近就係上水站，又近商場，好多人行，唔整番啲指示，萬一出事就分分鐘可大可小！」
運署：正研髹上提醒字句
運輸署發言人表示，已派員實地視察及了解該路口的設計與交通情況，經研究後認為上述建議可行。該署現正聯絡工務部門，安排在新發街近龍琛路現有行人過路處位置的行車路兩旁，分別髹上「望左」及「望右」的道路標記，以提醒行人留意車輛的行駛方向。
「唔係個個行過嗰度嘅都係住嗰區，知道啲車喺邊個方向駛過嚟，好應該快啲加番啲指示嚟提醒人！」黃先生希望運輸署盡快落實增設道路標記的措施，加強保障途人過路安全。