港府將於明日發表二○一七年特首普選方案，但泛民議員連個方案都未睇過，就已經先後三度聯署表明否決人大常委會「八三一」框架下嘅方案。行政會議成員張志剛尋日出席電台節目時強調，多項民調都顯示有約六成市民支持通過政改，反對嘅只有三成幾，無論喺法、理、情三個層面，方案都無理由不獲通過，批評泛民不理民意「閉起雙眼」反對政改，非常可悲。不過，張志剛同時對方案最終能否通過表示「審慎樂觀、不太悲觀」，唔通佢預知泛民遲早會張番開雙眼，認清事實同形勢後跟隨民意投票？
