男客捱撞需做手術
【本報訊】「逢彎都掟到側埋一邊，車速又開到咁快，喺快速公路掟低我哋，滿口粗口鬧人，仲要收埋六十蚊車錢，係人都頂唔順啦！」在公路上捱撞的姓王男乘客，右腳大腿有一道六厘米長傷口，需做兩次手術取出沙石。他昨接受訪問時仍怒氣未消，指摘的士司機無職業道德，但王坦言：「雖然個司機罔顧乘客安危，自己做錯事，自己要承擔責任，但我都好希望佢冇事！」
被司機叫勿意見多多
王憶述，上車時已見對方面紅紅，不停自言自語，但沒有想太多便與女友上車。司機開車後愈開愈令人不安，不但車速「快到盡」，還將軚盤扭左扭右。「夜麻麻咁開法梗係驚啦，咪好心叫佢注意，唔好開得太快。」豈料，司機堅持己見，着他不要意見多多，否則落車，他未及回應，司機已在快速公路停車及趕他們落車。由於無法轉乘其他車輛，他與司機爭吵起來，接着就發生車禍。
汽車交通運輸業總工會的士司機分會主任杜燊棠指，司機不論任何原因與乘客爭執，亦不應在快速公路落車，因為非常危險。若司機因與乘客嘈交在公路停車，或會構成不小心甚至危險駕駛，需負上刑責。他呼籲司機不要因「一時火遮眼」肇禍。