運署擬削新巴18號線居民炮轟
隨着西營盤站於三月底投入服務，運輸署計劃推出新一輪巴士路線重組，擬削去新巴18號線，服務歸併入2號、18P及18X三條路線，惟方案惹來強烈反彈，居民直指改動後沒有點對點服務，而乘搭港鐵的交通開支亦有增加，擔心生活質素備受影響。地區人士批評運輸署規劃時未有考慮地區人口結構及需要，亦未顧及反對聲音，要求暫緩方案。
「18號本身係快線，如果去海味街（德輔道西東端一帶）嗰頭嘅話，坐其他路線包括18P及18X或者港鐵就要行多成十幾分鐘先到，或者熬好耐車。」東區居民冼小姐指，來往北角與西營盤的18號為不少街坊首選，惟近日得悉路線重組計劃建議削去新巴18號線，其車程納入其他路線，擔心點對點服務不再，又認為運輸署「焗市民坐港鐵」，導致西港島線全面開通後市民選擇不增反降。
「10號雖然平 坐成個幾鐘」
冼小姐續稱，港鐵車資不但比18號線貴一元，而且北角為港鐵轉車站，繁忙時間擠得水洩不通，往往亦需全程「罰企」，對長者構成不便，而替代的10號線則需時甚久，「巴士點都易啲有位坐，政府有冇諗過老人家唔企得？同埋10號雖然平啲，但係要坐成個幾鐘先到，塞車嘅話仲要成兩個鐘，但係18號半個鐘左右就到。」
運輸署發言人承認，於一三年中開始諮詢，期間曾接獲中西區及東區區議會屬下交通及運輸委員會部分委員和多個公眾意見要求保留新巴18號線及2號線，惟根據一五年一月上旬的客量調查數據，西港島線通車後西區巴士服務乘客量下降約三成多，而18、18P及18X於最繁忙半小時的載客量只有約四成，加上與現有路線重疊，故推行路線重組。
發言人續指，在西營盤站通車後，運輸署和巴士公司繼續留意實際情況，分階段實施路線重組計劃，包括將新巴18號線併入2號、18P及18X的方案，而重組後市民仍可以較低車資乘城巴10號線往返北角與西營盤。
「觀察耐啲 唔好咁快判死」
「18號嘅服務對象係去中、上環返工嘅打工仔，或者行動唔太方便嘅老人家居多，好需要點對點服務，削線會好影響佢哋生活。」北角地區發展主任鄭達鴻批評，運輸署作出規劃時未有充分考慮區內人口老化及上班一族需要，又質疑署方懶理反對聲音，「唔少街坊都反對西營盤站呢頭啟用，嗰頭就削線，運輸署收到咁多反對聲音，好應該觀察耐啲，唔好咁快就判死刑。」
記者︰呂耀焜 黃凱翎