模影模蹤:Ann Denise富貴不淫

富貴不能淫,貧賤不能移,威武不能屈,知易行難呀!尤其身處五光十色嘅裸模界,嘗盡物質虛榮誘惑,想唔變質好難囉!眼前呢件裸模Ann Denise堅稱抵受得住百般誘惑,良方係藝術色情兩邊走,平衡到心理,自然貧富貴賤都可以平常心喎!

平衡心理

裸模要做到富貴不淫基本上係冇可能,皆因你愈受大眾賞「色」惟有愈淫,唔係點得嚟保持新鮮感,Keep住有新嘢畀觀眾睇呢?但26歲索妹Ann Denise佢真係做得到噃!你可以話佢入世未深,短短兩三年裸露生涯何足掛齒,之不過阿妹用行動嚟證明佢係得嘅。首先,喺入行初已開始寫網誌同粉絲拉近距離,到正式成為全職裸模,索性開埋官網,網站除咗係宣傳渠道,更展現對人體藝術美感。Ann妹喺一篇訪問中表示,當日佢喺Playboy出道已清楚遊戲規則,為咗可以企穩裸模界,迫於無奈要向主流低頭,而同時明白每個裸模上位後都會變質,為咗平衡心理,決定工作以外,要拍人體藝術照,一方面畀大眾了解裸體世界,另一方面則向理想邁進。

Ann妹說來動聽,但呢三年來佢又真係做到喎,除咗日常喺各大寫真網站如Only例牌式胸圍底褲剝餐飽,但絕不賣弄色情,簡簡單單一件白背心,飛Bra走奶,隨性得嚟夠Sexy,又如同一張半身寫真,分三個角度拍攝,合併埋又有另一番感覺。Ann妹承認外界未必會花時間消化,不過無所謂,因為每當佢自己翻睇照片,就會自我提醒,入行目的及將來要點行!

愛扮秘書

咁有深度嘅裸模市場好少見,亦可以推算Ann妹官網一定冇乜錢賺,咁難怪佢平日開工真係搏晒命,喺model mayhem網站所見,阿妹標明只收錢工作,而且底線非常低,內衣泳衣冇難度,戀物制服都冇問題,佢更喺一篇專訪中自爆,喺眾多制服中發現最愛扮女秘書,理由係服飾夠多,可以逐件剝增加層次感,入面再加對吊襪帶及絲襪,確實係外表斯文,內裏性感,連阿妹自己睇番都覺得興奮喎!

喺行頭打滾快近三年,Ann妹已登盡本土男性雜誌封面,亦係幾個大牌寫真網站常客,有傳媒問佢點解唔衝出國際,阿妹話一副架生喺邊度剝都係一樣,如果係好,自然有人上門找你。講就型到震喇,其實阿妹又邊使走出去剝呢?事關近期同Model公司合作新網站,隔日就有新主題寫真登場,呢啲咪真正搵銀囉!咁所以話富貴不淫,查實只不過係理論,搵到銀仲邊使剝,咁點淫都冇人知啦!

精彩推介

簡介:Ann妹收費網站,當然講錢啦,不過佢都交足貨畀各位,絕不會出現你同我都睇唔明嘅藝術裸照,反而比堅尼就最多,不講不知,原來阿妹仲有鋪健身癮,喺自拍區,日日喺屋企舉重玩瑜伽,嗰件戰衣有着等於冇,正到暈呀!

網址:www.anndenise.com/

Ann Denise's Profile

出生日期:1988年6月11日

三圍:30E-25-34

身高:5呎5吋

撰文:祖