港股連續兩日暴升，成交額接連創下歷史新高，各界紛紛呼籲小股民量力而為、審慎投資。偏偏成日將「審慎理財」掛喺口邊嘅財政司司長曾俊華（鬍鬚曾），尋日朝早臨離開香港出訪上海時，就形容現時股市係「實質」嘅，睇唔到會爆破，變相為今次升市「火上加油」。不過，鬍鬚曾上機冇耐，港股就立即由剛開市時嘅急升一千六百點，回落近千點至收市時僅上升七百零點。如果有股民信錯財爺匆匆入市高追，就真係喊都無謂！
