政情：阿松不談牛市只論政
本港股市連續兩日成交創歷史新高，城市大學尋日請出身投資銀行嘅前財政司司長梁錦松（阿松）出席午餐會演講，相信台下一班大學生都好期待佢講吓牛市下嘅投資心得。不過，阿松唔講股市只講政治，唔知聽眾有無好失望呢？
斥港獨違反歷史與現實
阿松一開波就提到香港政改前途未明，仲話大部分香港人贊成普選特首，期望政改表決時可獲得三分之二嘅立法會議員支持通過。對於前排嘅反水貨客行動，佢形容係唔文明，市民唔會認同，又話香港人出國時，都唔希望被其他國家嘅人用同樣行為對待。
對於港獨行為，阿松明言強烈反對，認為港獨違反歷史同現實，期望中港之間嘅矛盾同鴻溝終有一日會消失。佢又寄語年輕人要認同國家及自己身份。被問到支唔支持就反港獨立法，阿松只係話：「好忙，今日唔講喇！」