「電光火石 反應唔嚟」
【本報訊】眼眉和額頭位置縫了十針的警長，出院後仍豁達地說：「小事嚟啫！」郭坦言：「當時電光火石間，根本反應唔嚟！自己都唔知發生咩事！」並形容自己現時的情況「OK」，已無大礙，現正在家中休息，相信要等一個星期拆線後才可重返工作崗位。他又指：「加入警隊咁多年，之前未試過執行任務受傷，今次真係第一次！好彩情況唔嚴重，休息吓就無事。好多同事同朋友打電話嚟慰問，多謝大家關心。」
有資深警務人員透露，根據警隊訓練，警員截查車輛時可先由車尾走近，留心車內有多少人，避免司機在車頭見到警員行蹤後，開車逃走撞傷警員。今次郭與另一名同袍一同行動是理想做法，並說：「發生意外好難預計，今次係突發事件，有心裝無心，始終有風險。」他又指，基於公眾安全的考慮下，警方都會避免車追車，但可以跟車，盡快記下可疑車輛的車牌，通知電台，供增援的同袍兜截。他認為今次受傷的警長已經「傷到瞓地」，其同袍亦要照顧傷者，不追截疑犯都是合適做法。