貨車違規 行人路落貨
「上環係舊區，啲路本身就好窄，但係貨車就成日剷上行人路度落貨，食飯時間人來人往，好容易撞到人！」在上環工作的李先生指出，不時在蘇杭街發現有貨車駛上行人路，除威脅途人安全，亦進一步收窄行人路，「咁大架車泊上嚟，想行都冇得行！」
警方指半年發逾百告票
警方發言人證實，一直關注涉事路段交通情況，並有適時派員執行交通管制，去年七月至十二月已接獲十一宗相關投訴，期間共發出超過一百一十張定額罰款通知書。
李先生直指現時情況未有改善，仍不時目睹有貨車在行人路上停泊，要求警方多加留意，以保障市民生命安全，「唔夠半年就出成過百張牛肉乾，證明嗰度係黑點啦，我明白唔會一時三刻解決到問題，希望警方由今日開始加緊做嘢啦。」