貨物霸道戟人 食署話見唔到
「呢度隔籬有兩間殯儀館，啲舖頭係咁將啲紙紮嘢、花牌咁全部放晒出行人路，我幾廿歲人行過掂到唔利是就唔在講啦，有時啲花牌嘅木架凸出嚟仲會刮到我隻腳，試過幾次都刮損仲差啲仆親。」居於紅磡的陳婆婆指，溫思勞街一帶有店舖常將貨物放置行人路，對途人造成阻礙。
食環署發言人指出，接獲轉介後曾派員巡查，期間未有發現有貨物擺放於行人路上，職員亦已勸喻有關店舖負責人，切勿擺放貨物在行人路造成阻礙。發言人稱，其後多次巡查均沒發現有貨物放在店舖外。
「係咪仆到流血先做嘢？」
陳婆婆坦言不滿食環署未有正視阻街問題，要求繼續跟進事件，「日日都放出嚟霸晒條路，咁大堆嘢都話見唔到，係咪要我仆到頭破血流先肯做嘢？」