每逢中央重要官員在北京兩會期間閉門會議發表講話後，都有一大班人大政協人爭住做代表，「引述」中央講咗啲乜。不過，唔好以為「引述」好容易，一個唔該講錯兩粒字，隨時大把手尾跟。好似全國政協常委陳永棋，尋日同班政協見完全國人大委員長張德江後，陳永棋就引述話張德江叫大家唔好「上綱上網」。連網都唔畀上咁大鑊？原來陳永棋將「上綱上線」講錯成「上綱上網」，但由於有傳媒仍然照將陳永棋嘅錯誤引述播出街，搞到有人即刻要以「消息人士」澄清話張德江叫大家唔好「上綱上線」啫。
