政情：年宵賣內地貨 泛民自打嘴巴
泛民政黨平時喺議會內經常將矛頭指向內地政府，又批評內地好多假貨同次貨，搞到內地市民大舉在港掃貨，而水貨客愈來愈多。不過，唔少泛民政黨，好似工黨同公民黨，佢哋喺年宵攤檔嘅部分貨品都係內地製造，唔知咁樣算唔算自打嘴巴呢？
我哋呢幾日巡過維園年宵，發現工黨攤位出售嘅飛鏢遊戲，負責人聲稱係「大陸製造」，但又無標明產地，反而另一啲布袋，就講明係「香港製造」。至於公民黨嘅貨品，其中售賣一百八十八元嘅「香蕉」雨傘，店員講明係內地製造，部分貨品同樣無產地標籤。如果咁睇唔起內地貨，點解又要賣呢？
此外，工黨同社民連都被指唔守信用，竟然以超高價兜售銷屬於非賣品嘅雨傘飾物。