近年香港經常發生反對水貨客及內地個人遊嘅示威，估唔到政制及內地事務局局長譚志源（Raymond）都係「受害者」。佢尋日透露上星期日晚同屋企人喺沙田食飯，點知其中一家親戚就因為沙田一個商場遇到反水貨客示威而遲晒大到。唔知Raymond係咪苦候得太耐，即使唔算直接屬於佢嘅政策範疇，都忍唔住要出聲，話個人遊係時候要做檢討喎，莫非佢因為針拮到肉所以知痛？唔知負責香港旅遊事務嘅商務及經濟發展局局長蘇錦樑又幾時先至知痛呢？
