MPF取款苛眼疾男恐等到盲
強積金制度苛刻早為市民詬病，即使打工仔生活突遇巨變，亦無法提早領取供款，血汗錢變成「有得睇、冇得使」。有職業司機視力出現問題，擬提前申領供款以應付醫療開支，卻被指不屬完全喪失行為能力而被拒，擔心「等到盲」或被迫退休始能取得供款。立法會議員批評現時條例過於嚴苛，建議盡早着手研究改善方案。
「睇右邊嗰時會有幾個影，有次天黑嗰陣過馬路就畀架車轆到隻右腳腳面，你叫我仲點樣揸車搵食！」四十多歲的蔡先生（化名）為職業司機，一年前開始發現右眼側視時會出現重影，到東區醫院求診後確診為甲狀腺機能亢進症引致重影。蔡擔心駕車時無法應付突變的路面情況，又因年紀漸長難以轉行，擬提早申領強積金治病，卻因未獲評估為永久不適合駕駛工作而無法申請。
「咩都唔做先啱條件？」
蔡不滿強積金條例缺乏彈性，令市民陷困，「係咪真係要等到盲咗、冇晒工作能力？定話要宣誓退休下半世咩嘢都唔做等攞綜援先啱條件？其實只係想有筆錢去私家醫院醫病，好番就再做到嘢啦！」
東區醫院發言人證實，投訴人確診甲狀腺功能亢進症，雙眼視力正常，惟右望時會出現重影，醫生曾解釋現階段不適宜駕駛車輛，故建議暫時從事其他工作，但因重影問題隨病情而變化，未能判斷是否屬於永久情形，或確定是否永久不能從事相關工作。
積金局發言人則稱，根據現行法例，若因患病而永久不適合從事原先工作，可以「完全喪失行為能力」為由提前領取強積金權益，申請時需附由註冊醫生或中醫所簽署的證明。二○一三年共有逾七十億元強積金供款被提前領取，當中僅約一點五億元款項因市民完全喪失行為能力而被領回。
局部修改仍不觸癢處
「只要證明到係因為病情、受傷而暫時做唔到依家份工，同埋筆錢係用嚟醫病嘅話，就應該酌情處理。」勞工界立法會議員郭偉強建議政府適度放寬要求，以切合市民需要，「以前公積金可以拎出嚟做手術，反而依家強積金就唔得，真係有啲講唔過去。」
另一勞工界立法會議員鄧家彪亦認為，強積金計劃規定嚴苛，即使近日作出局部修改，如放寬預期壽命不足十二個月的病人提前申領供款，仍與市民訴求出現差距，「難聽啲講句，依家只係唔使筆錢變做遺產，我建議加設危疾清單，或者幫到個市民恢復工作能力嘅話，就可以預支住筆供款先。」鄧指外國如新加坡亦容許市民提早領取供款以支付住屋按揭、醫療或者升學用途，可作借鏡。
記者：呂耀焜