俗語話，養兵千日，用在一時。淫賤黎仲巴閉，直情係養狗千日，吠在一時添。
係咁嘅，淫賤黎住所及將軍澳壹淫媒總部早前畀人投擲燃燒彈，警方仲調查緊，事件動機未明，但多名收過淫賤黎秘密捐款嘅反對派政客已經忍唔住跳出來保護金主，尤其係被指收咗五十萬元政治黑金嘅毛孟靜，煞有介事喺立法會提出休會辯論，夾硬將投擲燃燒彈事件同新聞自由扯上關係。最好笑嘅係，呢班政客原本諗住展示忠心，證明狗糧唔係白食，點知畀人踢爆收錢護主，結果醜態百出，唔衰攞嚟衰。
話時話，毛孟靜收取政治黑金嘅醜聞仲未交代得清楚，依家又公然替淫賤黎出頭，咁仲唔係有利益衝突？有議員質疑佢發言前冇申報利益，佢仲死撐話立法會相關委員會已裁定有關投訴唔成立喎。其實，所謂投訴唔成立，係指佢事發時未當選立法會議員，唔等於佢冇收過政治捐款，更加唔等於佢老公冇收過，況且連淫賤黎自己都承認畀咗錢，點到佢唔認數吖。
再講喇，投擲燃燒彈事件警方仲查緊，毛孟靜又憑乜嘢認定同新聞自由有關？正如有人話齋，淫賤黎作惡多端，壹淫媒得罪人多，九成遇襲事件都同宣淫販賤有關，如果真係涉及新聞自由，點解間間報館唔搞淨係搞佢？點解淨係佢畀人淋屎淋尿？反對派政客明知事件同新聞自由大纜都扯唔埋，仲要無理取鬧，唔止無聊，簡直無恥。
講開又講，反對派都唔係第一次為淫媒保駕護航嘅喇，早排爛果報被人抽廣告，佢哋又係以維護新聞自由為藉口，喺立法會上演咗一齣「受人錢財、替人消災」嘅鬧劇，嗰位收咗淫賤黎幾百萬元政治黑金嘅「民主阿婆」仲公然為佢乞廣告，仲由香港乞到去英國添，問你服未。
所以話，反對派政客唔止虛偽，而且雙重標準，佢哋平時質詢官員義正辭嚴，郁吓就話人哋利益衝突，郁吓就叫人下台，家陣輪到自己收錢護主就死口唔認，呢啲咪就係賊喊捉賊囉。
當然喇，天下烏鴉一樣黑，政客就係咁嘅嘞，滿口仁義道德，滿肚男盜女娼，既然食咗淫賤黎狗餅咯喎，自然要替佢出頭。老實講吖，淫賤黎自己都係食洋狗餅嘅咋。
始終都係嗰句，淫媒不死，港難未已。廉署調查淫賤黎黑金醜聞已經大半年，究竟查成點呢？幾時至有結果呢？正所謂，洋奴漢奸，人人得而誅之，如果當局又係高高舉起，輕輕放下，盞激起民怨，唔知又會發生乜嘢事嘅喇！