好多囡囡拍一兩次寫真就收山，探其原因一係過唔到自己嗰關，所以唔再拍落去，二來就係觀眾接受唔到佢，被人淘汰。但如果有囡囡拍極都有，咁就擺明佢有膽識有市場，而呢位咁有實力嘅靚女就係嚟自長沙嘅妮兒！
今年啱啱20歲嘅妮兒，真名真係冇人知道，翻查紀錄佢2012年左右出道，所以都有三年多經驗，大家如果只用妮兒兩字上網搵佢，肯定未必搵到，因為網上叫妮兒嘅有一大堆，要搵佢，就要配埋英文名Bluelabel，咁就一定搵到。妮兒喺湖南大學讀書，未畢業就染指模特兒工作，最先就係拍少女時裝同埋紗婚照，但唔知點解內地嘅婚紗照經常都要模特兒真空上陣，除低胸露背，有時連八月十五都要攞埋出嚟見人，所以妮兒早就性感演出，後嚟有人搵佢拍性感寫真，妮兒二話不說就答應，當然第一、二次都十分純情，只以泳衣示人，但到咗第三、四次，妮兒個膽就愈嚟愈大，防線更愈嚟愈低，於是網上流出多張超性感噴血寫真，令佢短短時間內人氣大升！
妮兒能夠火速上位，除咗夠放夠大膽外，佢個相頭真係十分討好，唔走最潮嘅韓風日系路線，反而以傳統中國甜美女孩形象，大打清純秀氣牌，淡妝素服上陣，喺全部韓日裝扮嘅嫩模中輕易突圍而出，令不少網友為佢動容，馬上成為佢嘅粉絲。而且妮兒上圍有35吋，配24吋小蠻腰同埋35吋翹臀，絕對係有前有後，所以拍攝出嚟嘅寫真香艷度極高，唔受網友歡迎都幾難。據資料顯示，單喺舊年妮兒就替某大寫真網站拍咗六輯以上嘅寫真，證明佢有實力兼有人氣，所以今年一於唔好畀佢停，繼續拍落去。但據妮兒嘅官網透露，佢原來對唱歌都好有興趣，一有時間就會秘密訓練，唔通妮兒想喺歌壇發展，係就唔錯！歌壇馬上又多個性感實力唱將，絕對係我哋歌迷嘅福氣。
簡介：妮兒嘅寫真真係多到不得了，但要搵一個網站，有齊晒佢嘅香艷寫真，一定係佢嘅官方微博莫屬，而且仲有好多好養眼嘅生活照片，值得捧場！
網址：http://weibo.com/u/2807235412
出生地：湖南長沙
三 圍：35-24-35
身 高：167cm
撰文：龍四海