政情：蕭楚基關顧釋囚 籲僱主勿壓價
為協助釋囚坦然重投社會，社區參與助更生委員會主席蕭楚基計劃發動商界僱主，提供更多新職位空缺，又構思成立釋囚家屬支援小組，全方位助釋囚重過新生。
「佢哋好珍惜改過自新機會」
海皇粥店集團執行董事蕭楚基，十年前開始聘用更生人士，當中年紀最輕嘅釋囚，只有十多歲。相處多時，令佢對釋囚完全改觀：「佢哋好珍惜一個改過自新嘅機會，工作時分外投入認真，返工永無遲到或早退，唔少人工作一年後，仲畀其他老闆挖角。」不過，佢坦言唔少釋囚搵工時常被僱主「壓價」，令佢哋感氣餒同失望。
蕭楚基稍後將發動一連串為釋囚而設嘅招聘活動，呼籲各行各業僱主加入聘請行列。佢又構思成立釋囚家屬支援小組，讓同病相憐的家屬相互鼓勵、打氣，紓緩情緒上的困惑。