新界東北發展計劃前期撥款幾經艱辛先獲得立法會財務委員會通過，但唔代表之後一勞永逸，因為關注團體繼續將矛頭對準發展局局長陳茂波（波叔），部分訴求包括要全面復耕，適逢食物及衞生局尋日公布新農業政策諮詢公眾，建議設立七、八十公頃農業園。唔通高民望嘅食衞局局長高永文出手，為波叔嘅新界東北發展「開路」？雖然高永文喺記者會上立即否認此舉係為新界東北降溫，但有高永文幫手拉「波」上樹，似乎利多於弊，波叔今次算係執到好籌嘞！
