政情：陳家強留港 忙度預算案？

尋日午後時間，我哋在中環名人經常出入嘅香港會撞見財經事務及庫務局局長陳家強，佢行色匆匆，一行出門口就忙於打電話，睇落好唔得閒。我哋上前問佢聖誕及新年假期有冇出埠玩，佢就話近排好忙，所以留港消費，仲話留番喺香港幾好添！前幾日財政司司長曾俊華話聖誕冇出去玩，事關要忙於閉關度橋寫財政預算案，咁啱財爺尋日開始放假，由陳家強署任財政司司長，難怪陳家強話好忙，就算佢唔係要幫手度橋等份預算案出街靚仔啲，都要幫財爺睇住攤檔喇！